Ngaihthlâk Theih Bible Chhiar Chu I Hmang Ṭangkai Em?

Ngaihthlâk theih Bible chhiar chu eng nge ni? Ngaihthlâk theih Bible chhiar chu New World Translation siam ṭhat ngaihthlâk theih tûra aw thun hi a ni a. Chu chu ṭawng a tam thei ang bera zawi zawia tihchhuah mêk a ni. Ngaihthlâk theih Bible a danglam êm êmna pakhat chu Bible-a chuang mi chi hrang hrangte tâna aw hran ṭheuh hman a nihna hi a ni a. Bible-in a sawi tum tak phawk tûrin a thute chu a uarna tûr hmun dik taka uar thiam tak leh an rilru vei zâwngte târ lang thei tûra chhiar a ni.

Engtin nge mi ṭhenkhatin ngaihthlâk theih Bible chhiar chu an hlâwkpui? Ngaihthlâk theih Bible chhiar ngaithla ziahtu mi tam tak chuan Pathian Thu a tihnun lehzual avângin ngaihthlâk nuam an ti hle a. Bible-a chuang mi chi hrang hrangte tâna aw hran ṭheuh hman a nihna chuan, Bible hun laia thilthlengte mitthla thiam lehzual tûr leh a chhûng thute chiang lehzuala hre thiam tûrin a tanpui a ni. (Thuf. 4:5) Mi tam tak chuan lungkhamnate an neih laia ngaihthlâk theih Bible chhiar an ngaihthlâk hian rilru hahdamna an nei bawk.—Sâm 94:19.

Pathian Thu a ria chhiar ngaihthlâkna chuan kan nunah nasa takin thil a ti thei a. (2 Chro. 34:19-21) Ngaihthlâk theih Bible chhiar chu a ṭhen lai emaw, a bu pumin emaw i ṭawng hriatthiama tihchhuah a awm a nih chuan nî tina i thlarau lam thiltihte zînga telhin i ngaithla ziah thei ang em?

NGAIHTHLAK THEIH BIBLE CHHIAR BUATSAIHNA—A LAK TAWI TIH VIDEO EN HNUAH, A HNUAIA ZAWHNA HI CHHANG ANG CHE:

Ngaihthlâk theih Bible chhiar buatsaihna chungchângah engin nge i rilru khawih ber?