Inzirna Atâna Thurâwn

Jehova Chungchânga Thlarau Lam Lunghlute Hmuh Belh Rawh

Bible kan chhiar hian kan thu chhiarte hre thiam tûrin hmanraw chi hrang hrang kan hmang thei a. Mahse, Bible hriatna neih belh duh avâng chauhva chutianga ti chu kan ni lo. Jehova kan hmangaihna tipungtu a miziate chungchânga thlarau lam lunghlute hmuh belh chu kan duh a ni. Chuvângin, heti hian kan inzâwt thei a ni, ‘He Bible thu hian Jehova chungchâng eng nge mi zirtîr?’ tiin.

Jehova’n a mize langsâr tak hmangaihna te, finna te, dikna te leh, thiltihtheihnate a lantîr dân chu kan hmuh belh zêl thei a. Chutih rualin, Jehova chuan mize dang duhawm tak takte pawh a nei a ni. A miziate chungchâng chu khawiah nge kan hmuh belh theih ang?

“Jehova Thuhretute Tâna Zir Bingna Hmanrua,” tih lehkhabu-a “Pathian Jehova,” tih thupui hnuaia “Jehova Miziate,” tih thupui tê chu en la. I Bible thu chhiar mêk nêna inmil a miziate chu zir bingna nei ang che.