Pawisa Khelh Hi A Sual Em?

Bible chhânna

Bible chuan pawisa khelh chungchâng chipchiar takin a sawi lang lo nâin, Pathian thlîr dân chu Bible thu bulte aṭangin kan hre thei a ni.—Ephesi 5:17.a

• Pawisa khelhna chu Pathian huat zâwng tak duhâmna thiltih a ni a. (1 Korinth 6:9, 10; Ephesi 5:3, 5) Pawisa khelh chîng mi chuan mi dangte hnên aṭanga sum a neih theih dân ringawt a ngaihtuah a; mahse, chutianga mi dangte thil awhna neih chu Bible chuan a dem hle a ni.—Exodus 20:17; Rom 7:7; 13:9, 10.

• Pawisa tlêm tham tê pawh nise, inchawina tawh phawt chuan khua reiah sum ngainatna min neihtîr thei a ni.—1 Timothea 6:9, 10.

• Pawisa khelh chîng mi chuan puithuna te, vânneihnate chu a rinchhan ṭhîn tlângpui a. Mahse, Pathian chuan chutiang thilte chu milem biakna chi khatah a ngai a ni.—Isaia 65:11.

• Bible chuan kut tling lova thil neih tum aiin thawkrim tûrin min fuih zâwk a. (Thuhriltu 2:24; Ephesi 4:28) Bible thu râwn pêk zâwmtute chuan ‘hna thawkin, an thawh chhuah ngei an ei’ a ni.—2 Thessalonika 3:10, 12.

• Pawisa khelhna chuan Bible duh loh zâwng inelna rilru a neihtîr thei a ni.—Galatia 5:26.