• Kohhrana Inpumkhatna Vawng Rawh
    Chatuanin I Hlim Thei!—Phûrawm Taka Bible Sawihona

    • 3. Kristian unau nêna thu inhmuh lohna in neih hunah eng nge i tih ang?

      Kan inpumkhat a; mahse, ṭha famkim kan ni lo. A châng chuan kan intilungni lovin, kan intina tawn hial pawh a ni thei a. Chuvângin, Pathian Thu chuan heti hian min hrilh a ni: “Inngaidam tawn ula,” tia a sawi hnuah, heti hian a sawi belh a ni: “Lalpa chuan a ngaidam che u ang tak khân ngaidam ve rawh u,” tiin. (Kolossa 3:13 chhiar rawh.) Pathian Jehova rilru vawi tam tak tina mah ila, ani chuan min ngaidam ṭhîn. Chuvângin, kan unaute ngaidam ve tûrin min beisei a ni. Tuemaw rilru i tina tih i hriat chhuah chuan buaina chingfel tûrin hma la rawh.—Matthaia 5:23, 24 chhiar rawh.b