“I Ram Lo Thleng Rawh Se”—Mi Maktaduai Tam Takte Chham Nawn Fo Ṭawngṭaina
Pathian Ram lo thleng tûrin i ṭawngṭai tawh ṭhîn em? Kum zabi tam tak chhûng chu mi maktaduai tam tak chuan “I ram lo thleng rawh se,” tiin an ṭawngṭai fo va. Engvângin nge chutianga an ṭawngṭai fo? Isua’n a hnungzuitute chu Pathian Ram dîl a, ṭawngṭai tûrin a hrilh vâng a ni.
Atîr chuan, Isua hnungzuitute chuan Lalram chungchâng a sawi zawng zawng chu an hre thiam lo va. Ṭum khat chu a hnênah: “Lalpa, tûnah em ni Israelte hnênah ram i pêk leh dâwn?” tiin an zâwt a. Isua’n tlang taka chhânna a pêk loh avângin mak an ti mai thei. (Tirhkohte 1:6, 7) Chu chu Pathian Ram leh a lo thlen hun tûr kan hre thei lo tihna a ni em? Ni lo ve!
He Vênnainsâng hian a hnuaia zawhna chhânnate hmu tûrin a ṭanpui ang che:
Engvângin nge Pathian Ram kan mamawh?
Pathian Rama Lal chu tu nge ni?
Eng tikah nge Pathian Ramin leiah ro a rêl ang?
Pathian Ramin eng nge a hlen chhuah ang?
Engvângin nge Pathian Ram chu tûnah kan thlâwp ang?
Pathian Ram chu eng nge ni?