ZIRLAI 51
Engtin Nge I Ṭawngkam Hmanga Jehova I Tihlâwm Theih?
Jehova’n mihringte a siam khân thilpêk ropui tak, ṭawng theihna thilpêk a pe a. Chu thilpêk kan hman dân chu a tân a pawimawh em? Pawimawh e! (Jakoba 1:26 chhiar rawh.) A nih chuan, engtin nge Jehova tilâwm tûr zâwngin kan ṭawng theihna chu kan hman ang?
1. Engtin nge ṭawng theihna thilpêk chu kan hman ang?
Bible chuan: “Infuih tawnin, intisâwt tawn ṭheuh rawh u,” a ti a. (1 Thessalonika 5:11) Fuih ngai mi ṭhenkhat i hre chhuak thei em? An awm tinuam tûrin eng nge i tih theih? I tân an pawimawhzia hrilh la. An mizia ṭha i tihna laite hrilh ang che. I mi hriat tuemaw tichak theitu tûr Bible châng i hre chhuak thei em? Bible châng thlan theih tûr tam tak a awm a. I thusawia i awphawi chuan mi dangte chungah nghawng a nei thei tih hre reng ang che. Chuvângin, ngilnei tak leh aw nêm taka sawi chu tum ziah ang che.—Thufingte 15:1.
2. Eng ang ṭawngkam nge kan pumpelh ngai?
Bible chuan: “Thu ṭha lo rêng in kâan chhuak suh se,” tiin a sawi a. (Ephesi 4:29 chhiar rawh.) Chumi awmzia chu ṭawngkam ṭha lo, a nih loh leh ngilnei lo tak leh tum rêng vânga mite tina thei thu kan sawi lo tihna a ni. Mi dangte tina thei inrêlna leh insawichhiatna kan pumpelh bawk tûr a ni.—Thufingte 16:28 chhiar rawh.
3. Engin nge mi tichak thei thute sawi tûrin min ṭanpui ang?
Kan thusawite hian kan thinlung, a nih loh leh kan rilrua awmte a târ lang ṭhîn. (Luka 6:45) Chuvângin, a ṭha lam thilte—a fel apiang te, a thianghlim apiang te, a duhawm apiang te, a thangmawi apiangte—ngaihtuah tlat tûrin kan inzir a ngai a. (Philippi 4:8) Hêng thilte ngaihtuah tlat tûr hian intihhlimna leh ṭhiante chu fîmkhur takin kan thlang tûr a ni. (Thufingte 13:20) Chu chuan thu kan sawi hmaa ngaihtuah lâwk tûrin min ṭanpui bawk. I thusawiin mi dangte a nghawng dân tûr ngaihtuah rawh. Bible chuan: “Khandaih chhun anga na taka mi chhun thu sawi an awm a, mi fing lei erawh chu damna a ni,” tiin a sawi a ni.—Thufingte 12:18.
ZIR BELHIN HMUH BELH RAWH
Jehova tilâwm a, mi dangte tichak thei thute sawi dân zir rawh.
4. I thusawi dânah fîmkhur rawh
A châng chuan kan za hian kan inchhîr lehna tûr thu kan sawi palh ṭhîn a. (Jakoba 3:2) Galatia 5:22, 23 chhiarin, hêng zawhnate hi sawiho vang che u:
I thusawi dâna fîmkhur tûra ṭanpui tûr chein hêng miziate zînga eng hi nge ṭawngṭainaah i dîl theih? Hêng miziate hian engtin nge a ṭanpui theih che?
Korinth thawn khat 15:33 chhiarin, he zawhna hi sawiho vang che u:
Ṭhiante leh intihhlimna i thlante chuan i thusawi dânah eng nghawng nge a neih theih?
Engin nge i thusawi dân nghawng mai thei?
Thuhriltu 3:1, 7 chhiarin, he zawhna hi sawiho vang che u:
Engtik hunah nge ngawih, a nih loh leh sawi chhuah nâna hun ṭha zâwk nghah a finthlâk mai theih?
5. Mi dangte ṭhatna sawi rawh
Engtin nge mi dangte tina thei thusawi kan pumpelh theih? VIDEO chu chhuah la, a hnuaia zawhnate hi sawiho vang che u.
Video-ah khân engvângin nge unaupa chuan mi dangte chungchâng a sawi dân chu thlâk a duh?
Inthlâk tûrin eng nge a tih?
Thuhriltu 7:16 chhiarin, he zawhna hi sawiho vang che u:
Tuemaw chungchâng a ṭha lo zâwnga sawi tûra thlêm kan nih hunah eng nge kan hriat reng ang?
Thuhriltu 7:21, 22 chhiarin, he zawhna hi sawiho vang che u:
Engtin nge hêng chângte hian tuemawin i chungchâng ṭha lo taka a sawi hunah a lutuka chhâng lêt lo tûra a ṭanpui theih che?
6. I chhûngte ngilnei takin be rawh
Jehova chuan kan chhûngte chu ngilnei tak leh hmangaihna nei taka be tûrin min duh a ni. VIDEO chu chhuah la, a hnuaia zawhna hi sawiho vang che u.
Engin nge i chhûngte ngilnei taka be tûrin ṭanpui ang che?
Ephesi 4:31, 32 chhiarin, he zawhna hi sawiho vang che u:
Eng ang ṭawngkamin nge chhûngkua tinghet?
Jehova chuan a Fapa Isua a ngaihhlutzia a sawi chhuak a. Matthaia 17:5 chhiarin, he zawhna hi sawiho vang che u:
Engtin nge i chhûngte i biak dânah Jehova i entawn theih?
Mi dangte fak theihna hun remchâng zawng rawh
MI ṬHEKHAT SAWI DAN: “Ka rilrua awm ka sawi a ni mai a. Duh lo an awm chuan ka mawh a ni hlei nêm.”
Chu chu i pawm em? Engvângin nge?
KHAIKHAWMNA
Ṭawngkam hian thil a tithei hle a. Kan thusawi tûr, kan sawi hun tûr, leh kan sawi dân tûr ngun taka kan ngaihtuah a ngai.
Ennawnna
Mi dangte ṭanpui thei tûra thu i sawi theih dân kawng ṭhenkhat chu engte nge ni?
Eng ang ṭawngkamte nge i pumpelh duh?
Engin nge ngilnei tak leh mi dangte tichak thei zâwnga thu sawi reng tûrin min ṭanpui thei?
HRIAT BELH NAN
Engin nge ṭawngkam ṭhate hmang tûrin min ṭanpui thei?
Ṭawngkam ṭha lote hmang lo tûra ṭanpui theitu che chhiar rawh.
Mi rêlna thang hlauhawm tak i pumpelh theih dân en rawh.
Pa pakhatin ṭawngkam ṭha lo hman bânsan a tum laia Jehova’n a ṭanpui dân chhiar rawh.
“Ka Nunin Khawi Lam Nge A Pan Tih Ngun Takin Ka Ngaihtuah Ṭan” (Vênnainsâng thuziak)