Mi Dangte Chunga Ngaihsakna

Isua Tih Dân

VIDEO: Isua leh Tuichhunchhuaha Hmeichhia

1. Video chu en la, a nih loh leh Johana 4:6-9 chhiar rawh. Chumi hnuah, a hnuaia zawhnate hi ngaihtuah ang che:

1. Isua’n tîtîna a ṭan hmain chu hmeichhe chanchin eng nge a hriat?

2. Isua chuan: “In tûr mi pe rawh,” a ti a. Engvângin nge chu chu tîtî ṭanna ṭha tak a nih?

Isua Hnên Aṭangin Eng Nge Kan Zir?

2. Mite chu an ngaihven zâwngte aṭanga kan sawipui ṭan a nih chuan, tîtîna ṭha tak kan neih theih ngei a rinawm.

Isua Entawn Rawh

3. A ṭûl angin insiamrem rawh. Tîtîna chu nangma lo inbuatsaih lâwk thute hmanga ṭan nghâl bur tum suh. Chu aiin, vawiin nia mite ngaihtuahnaa awm thei thil pakhat khat ṭanchhanin sawi ṭan rawh. Heti hian inzâwt ang che:

1. ‘Chanchin tharah eng thute nge târ lan a nih?’

2. ‘Ka ṭhenawm, hnathawhpui, leh school kalpuite’n eng chungchâng nge an sawi?’

4. Thil chîk mi ni rawh. Heti hian inzâwt ang che:

1. ‘Ka mi biak tûr hian eng nge a tih mêk? Eng chungchâng nge a ngaihtuah mai theih?’

2. ‘A thawmhnaw hâk te, a lan dân te, leh a inte hian a thurin emaw, hnam dân emaw chungchâng eng nge a târ lan?’

3. ‘Tûn hi amah biak lawk nân hun ṭha a ni em?’

5. Ngaithla rawh.

1. Ṭawng tam lutuk suh.

2. A chungchâng sawi ve tûrin fuih la. A remchâng a nih chuan, zawhnate zâwt ang che.