ZIRLAI 02
Bible-in Beiseina Min Pe
Khawvêl pum huapa mite chuan lungngaihna, lungkhamna leh natna hial thlentu harsatna tam takte an hmachhawn a. Chutiang harsatnate chu i hmachhawn ve tawh em? Dam lohna vâng emaw, i hmangaih tak tuemaw thihnaa i chân vâng emawin hrehawm i tuar pawh a ni thei. Chuvângin, ‘Hei aia nun ṭha zâwk a awm thei ang em?’ tiin i ngaihtuah mai thei. Bible chuan chu zawhna atân chhânna thlamuanthlâk tak min pe a ni.
1. Engtin nge Bible-in beiseina min pêk?
Bible chuan he khawvêl hi buainaa a khah chhan mai ni lovin, buainate hi rei lo te tân chauh a ni a, nakin lawkah tihbo a ni thuai dâwn tih chanchin lâwmawm pawh min hrilh a ni. Bible thutiamte chuan kan “hun hnuhnûng tâwpah” beiseina min pe thei a. (Jeremia 29:11, 12 chhiar rawh.) Chûng thutiamte chuan tûna kan tawh mêk buainate hmachhawn thei tûr te, a êng zâwnga thil thlîr tûr te leh, hlimna tluantling hmu tûrtein min ṭanpui a ni.
2. Bible chuan eng ang nakin hun nge a târ lan?
Bible chuan ‘thihna te, lungngaihna te, ṭahna te, natna te awm tawh lo hun tûr’ nakin hun a târ lang a. (Thu Puan 21:4 chhiar rawh.) Tûn laia nun hi beisei bo anga lantîrtu—retheihna te, rorêl dik lohna te, dam lohna te, leh thihna te ang chi—buainate hi a bo tawh ang. Bible chuan mihringte chu lei Paradis-ah chatuanin hlim takin an nung thei ang tih a tiam a ni.
3. Engtin nge Bible pêk beiseinate i rinna chu i tihngheh theih ang?
Mi tam tak chuan thil ṭhate a thlen an beisei a, mahse an beiseite a rawn thleng famkim tak tak ang tih erawh an chiang lo. Mahse, Bible thutiamte erawh a danglam bîk hle. ‘Pathian Lehkhaah Zawngin’ chûng a sawite kan rinna kan tinghet thei a ni. (Tirhkohte 17:11) Bible i zir chuan nakin hun chunghchânga a thusawite i rin dâwn leh dâwn loh chungchângah nangmah ngeiin thu tlûkna i siam thei ang.
ZIR BELHIN HMUH BELH RAWH
Nakin hun chungchânga Bible thutiam dinhmun ṭhenkhatte chu bihchiang rawh. Bible-in a pêk beiseinain tûn laia mite a ṭanpui dân hmu rawh.
4. Bible chuan dinhmun ṭha famkima chatuan nun beiseina min pe
A hnuaia Bible thutiam ziak chhuahte hi en rawh. Eng thutiam hi nge i duh ber a, engvângin nge?
Thutiamte zawha târ lan Bible chângte chu chhiar la, hêng zawhnate hi sawiho ang che u:
Hêng Bible chângte hian beiseina a pe chein i hria em? I chhûngte leh i ṭhiante beiseina a pe theiin i hria em?
Hetiang khawvêla nung ang hian han inmitthla teh
TUMAHIN . . . |
MI ZAWNG ZAWNGIN . . . |
|---|---|
|
|
|
|
|
|
|
|
|
|
5. Bible pêk beiseinate chuan danglamna a thlen thei
Mi tam takte chu an chhehvêla buainate chuan a tibeidawngin, a tithinur hial a. Ṭhenkhat chuan dinhmunte ṭha zâwka thlâk danglam tumin hma an la a. Bible thutiam dinhmun ṭha zâwk rawn awm tûrin tûna mite a ṭanpui dân hmu rawh. VIDEO chu chhuah la, a hnuaia zawhnate hi sawiho vang che u.
Video-ah khân, eng inthliar hrannain nge Rafika-i rilru tibuai?
Inthliar hranna a hmuhte chu bo lo mah se, engtin nge Bible-in ani chu a ṭanpui?
Nakin hun atâna Bible min pêk beiseinate chuan kan lunghnualnate leh buainate chu hlawhtling taka hmachhawn thei tûrin min ṭanpui thei a ni. Thufingte 17:22 leh Rom 12:12 chhiarin, hêng zawhnate hi sawiho ang che u:
Bible-a chuang beiseina thuchah chuan tûna i nun a tihdanglam theih i ring em, engvângin nge?
MI ṬHENKHAT SAWI DAN: “Nakin hun atâna Bible thutiamte chu a ṭha lutuk a, a âwih awm lo zâwk.”
Engvângin nge a finfiahnate bihchian chu a pawimawh i rin?
KHAIKHAWMNA
Bible chuan beiseina min pêk bâkah, hlimnaa khat nakin hun min tiamna hmangin harsatnate hmachhawn thei tûrin min ṭanpui.
Ennawnna
Engvângin nge mite’n beiseina an mamawh?
Bible-in nakin hun chungchâng eng nge a sawi?
Engtin nge nakin hun beiseina chuan tûnah a ṭanpui theih che?
HRIAT BELH NAN
Beiseinain thil a tih theih dân chhiar rawh.
“Beiseina—Khawiah Nge I Hmuh Theih Ang?” (Awake!, April 22, 2004)
Nakin hun beiseinain natna benvawn neite a ṭanpui theih dân chhiar ang che.
“Natna Benvawn Neite—Bible-in A Ṭanpui Thei Em?” (Website thuziak)
He music video i en hunah, nang leh i chhûngte Bible thutiam Paradis-a nuam taka awm angin inmitthla rawh.
Khawtlânga inhmang tak pa pakhat chu nakin hun atâna Bible thutiamte a zirnain a nun a thlâk danglam dân chhiar rawh.
“Khawvêl Thlâk Danglam Ka Tum Tawh Lo” (Vênnainsâng thuziak)