‘Jehova Chu Mi Vêngtu A Ni’

1. Jehova mi vêngtu a ni,

Engah nge ka mangan ang?

A berâm a ngaihsak êm vângin,

Pakhat mah a hmaih lo vang;

Chawlhna tui kamahte min hruai,

Ka nunna a siam ṭha ṭhîn;

A hming vângin ka ke pên a hruai,

Felna kalkawngahte chuan;

A hming vângin ka ke pên a hruai,

Felna kalkawngahte chuan.

2. Thihna kawr ruam zawh mah ila,

Hlauh tûr engmah ka nei lo;

Mi Vêngtu Ropui a hnai reng si,

A tiangin mi thlamuan ṭhîn;

Ka lû hi hriak a thih tawh a,

Ka no pawh a tikhat ṭhîn;

A ngilneihna’n mi zui, a inah,

Kumkhuain ka awm reng ang;

A ngilneihna’n mi zui, a inah,

Kumkhuain ka awm reng ang.

3. Mi Vêngtu fing leh hmangaih thei!

Hlimin a fak hla ka sa;

A enkawl ṭhatzia chanchin lâwmawm,

Berâm angte ka hrilh ang;

Rinawmin a Thu ka zui ang,

A kawng fîmkhura zawhin;

A rawngbâwlna ka ro hlu tak chu,

Lâwmin nî tin ka hmang ang;

A rawngbâwlna ka ro hlu tak chu,

Lâwmin nî tin ka hmang ang.