In Tin Kalnaah Ṭanpuitu Ṭha Tak Ni Rawh
1. Rawngbâwlnaa kawppui neih hlâwknate chu engte nge?
1 Ṭum khat chu Isua’n a zirtîr 70-te chu thu hril tûrin “pahnih zêlin a tîr a.” (Lk. 10:1) Chu ruahmanna siam chuan a zirtîrte chu an thu hrilhnaa inṭanpui tawn leh infuih tawn tûra a puih ngei a rinawm a ni. Rawngbâwlnaa thuchhuahtu kan kalpui chu engtin nge kan ṭanpui theih ang?
2. Kan kawppuiin thu a sawi laiin engtin nge kan lo ngaihthlâk ang a, engvângin nge?
2 Ngun Taka Ngaithlain: I kawppuiin thu a sawi laiin ngun takin lo ngaithla ang che. (Jak. 1:19) Bible châng a chhiar chuan i Bible aṭangin lo en ve zêl rawh. I kawppui a ni emaw, in neitu a ni emaw a thusawitu zâwk chu lo en tlat rawh. An inbiakna chu ngun taka i lo ngaihthlâk chuan, chu chuan in neitu pawh chutianga ngaithla ve tûrin a ṭanpui thei a ni. Chutih rual chuan, bial him vak lova rawngbâwl laia chhehvêla thilthlengte lo chîkna chuan dodâltute an pun khâwm hunah i thawhpui chu i hriattîr thei ang a, rang takin chu mi hmun chu in kalsan thei ang.
3. Eng hunah nge kan kawppuiin thu kan sawi chu ṭha a tih mai theih?
3 Lo Ṭawng Ve Hun Hre Thiamin: Kan kawppuiin thu a sawi laiin, inbiaknaa hma hruaitîrin amah zahna kan lantîr a. (Rom 12:10) A thusawi lai chu kan lo pawhchahsak tûr a ni lo. Kan kawpuiin a thusawi tum a theihnghilh hunah, a nih loh leh in neitu hnialna emaw, zawhna emaw chhâng tûra a tih che hunah chuan, a thusawi lai sawi zawm mai chu kan tum tûr a ni a, thu dang daih kan sawipui tûr a ni lo. (Thuf. 16:23; Thur. 3:1, 7) Thu kan lo sawi ve a nih chuan, kan thusawi chuan in neitu hnêna thu hrilh tawh a thlâwp chho tlat tûr a ni.—1 Kor. 14:8.
4. Rawngbâwlnaa hlimna leh hlawhtlinna chu engin nge awmtîr?
4 Zirtîr kawp 35-te chu thu an hrilh zawh chuan, “lâwm takin an lo hâwng a.” (Lk. 10:17) Keini pawhin, in tina kan kalpuite thusawi ngun taka kan ngaihthlâksak a, lo ṭawng ve hun tûr kan hriatthiam chuan rawngbâwlnaah hlimna nasa tak kan neiin kan hlawhtling ve dâwn a ni.