Hma Sâwn R’u!

1. Hma sâwn r’u, hma sâwn r’u, puitlin lam panin!

Kan Pathianin min duh thiamna nei chho zêl tûrin;

Rawngbâwlna hma sâwn nân theih tâwp in chhuah chuan,

Pathian malsâwm in dawng ang;

Mi tin tân hmun a awm rawngbâwl nân,

Isua thawh hna a ni tih in hria;

Pathian lam hawi reng r’u, in tlûk ngai loh nân,

Felna atân ding nghet r’u.

2. Hma sâwn r’u, Hma sâwn r’u, huai taka hrilin!

Chatuan daih chanchin ṭha mi chi tin hnêna hrilhin;

Kan Pathian, Jehova, min chawimawi pui r’u,

Kawngka tinah thu hrilhin;

Mi sualte’n min hlauhtîr an tum ṭhîn,

Hnungtawlh lovin mi tin hriattîr r’u,

Pathian Ram a hnai tih chanchin lâwmawm hi;

Thutak chu zirtîr zual r’u.

3. Hma sâwn r’u, hma sâwn r’u, chhunzawm zui zêlin,

Hnathawh tûr tam vângin thiamna lamah hma sâwn r’u;

Thlarauvin tithatho reng che u rawh se,

Pathian pêk hlimna neiin;

Hmangaih r’u, thawk rima in hmuhte,

An thinlung leh rilru thleng tûrin;

Nî tina hma sâwn chho tûrin ṭanpui r’u,

Thutak chuan a ên phah ang.