Engtin Nge Pathian Thu Kan Ngaihthlâk Theih?

Pathian chuan Bible hmangin min be ṭhîn. 2 Timothea 3:16

Pathian dik chuan mihringte chu a ngaihtuahnate lehkhabu thianghlim pakhatah a ziah chhuahtîr a. Chu lehkhabu chu Bible hi a ni. Chutah chuan Pathianin i hriat atâna a duh thu pawimawhte a chuang a ni.

Pathian chu finna zawng zawng lo chhuahna Hnâr a ni a, ani chuan kan tâna ṭha ber tûr a hria a ni. A thu kan ngaihthlâk chuan kan lo fing tak zet ang.—Thufingte 1:5.

Pathian chuan leia mi tinte’n Bible an chhiar chu a duh a. Chu chu ṭawng tam taka hmuh theih a ni tawh.

Pathian thu ngaihthlâk i duh chuan, Bible i chhiarin, i hre thiam ngei tûr a ni.

Hmun tina mite’n thu an ngaithla. Matthaia 28:19

Jehova Thuhretute chuan Bible hre thiam tûrin an ṭanpui thei che.

Anni chuan khawvêl zawng zawngah Pathian chungchânga thu dik an zirtîr a.

Chutiang zirtîrna dawng tûr chuan engmah i pêk a ngai lo. Pathian chungchâng chu tualchhûng Jehova Thuhretute Kingdom Hall-ah i zir thei bawk.