Aw, Pathian Nên Lêng Dûn Rawh U!

1. Aw, Pathian nên lêng dûn rawh u,

Inngaitlâwm ngilneiin;

Pathian lakah rinawm nghet la,

I chakna tithar se;

A thutak ropui i vawn chuan,

Hruai bovin i awm lo’ng;

I kut chelhin a kai ang che,

Naupang tê ang maiin.

2. Thianghlimin Pathian nên lêng r’u,

Suala tlu nawn lovin;

Puitlin lam pana hma sâwnin,

A lâwm zâwng mi ni r’u;

A thianghlim, dik, leh fel apiang,

Ngaihtuahin awm fo r’u;

Chhel taka in awm reng theih nân,

Pathian chauh rinchhan r’u.

3. Rinawmin Pathian nên lêng r’u,

In la chang ngei ngei ang,

Lungawina leh Pathian anna,

Hlâwkna ṭha berte chu;

Pathian nên lêngin lâwm takin,

A fakna hla sa r’u;

Hlimna neih theih ropui ber chu,

Thu hrilhnain a thlen.