Lâwmman Chu Thlîr Reng Rawh!

1. Mitdelte’n khua an hmuh leh hun,

Bengngawngte beng a vâr hun leh,

Rose anga thlalêr pâr vul hun,

Lei rova tuifîm a luan a;

Sakhi anga kebai zuan hun,

Hmangaihte ṭhen tawh lohna hun,

Chûng malsâwmna chu i hmu ang,

Lâwmman chu i thlîr reng phawt chuan.

2. Ṭawng thei lote’n thu an sawi a,

Tarte’n vânglai an awh leh hun,

Leiin hausak a chhuah hun chuan,

Thil ṭha zawng zawng a tâwp ngai lo’ng;

Hmun tina naupang an zai a,

Hlimna leh rem a lên hun chuan,

Mitthi tho leh pawh i hmu ang,

Lâwmman chu i thlîr reng phawt chuan.

3. Berâm leh chinghnia tla khâwm leh,

Bâwng no leh savawm bawk za te,

Naupang têin a hruai ang a,

A kohna aw an ngaihsak ang;

Mittui tlâkna a awm tawh lo’ng,

Hlauh leh natna a bo hun chuan,

Pathian thiltihte i hmu ang,

Lâwmman chu i thlîr reng phawt chuan.