Jakoba Haran-ah A Kal

HENG Jakoban a biak mite hi tute nge ni i hria em? Ni tam tak a zin hnuah, Jakoban tuichhunchhuah kiangah a tawk a. An beram an veng a ni. Jakoba chuan: ‘Khawia mi nge in nih,’ tiin a zawt a.

’Haran-a mi,’ an ti a.

’Labana in hria em?’ Jakoba chuan a ti a.

’Aw.’ En teh afanu Rakili a beram rual nen a lo kal,’ tiin an chhang a. Ralkhata Rakili lo kal saw in hmu thei em?

Jakoban a unau Labana beram nena Rakili lo kal a hmuhin, a kal a, beramin tui an in theih nan tuichhunchhuch ata lung a lum sawn a. Tin Jakoban Rakili a fawp a, tunge a nih a hrilh a. A lawm khawp a, a haw a, a pa Labana hrilh a.

A hnenah Jakoba a awm chu Labana a hlim em em a. Jakoban nupuia neih atan Rakili a dil chuan Labana a lawm a. Amaherawhchu, Rakili hlawh turin lova kum sarih thawk turin Jakoba a ngen a. Rakili a duh em vangin Jakoban chu chu rem a ti a. Mahse inneih hun a lo thlenin, enge lo ni ta i hria em?

Labana chuan Rakili aiah a fanu upa zawk Leaii chu Jakoba hnenah a pe a. Jakoban Labana tan kum sarih dang thawh leh rem a tih veleh, Labana pawhin Rakili chu a nupuiah a pe a. Chung lai chuan Pathianin mipate chu nupui pakhat aia tam an neih a phal a. Mahse tunah chuan, Biblein a tihlan angin, mipain nupui pakhat chauh a nei tur a ni.