Jordan Luipui Kân

EN TEH! Israel-mite chuan Jordan Luipui an kan mek! Mahse khawiahnge tui a awm? Ruah sur tam hun lai a ni a, a hma lawk pawhin luipui chu tuiin a khat si a. Mahse tunah chuan tui a kang ta vek mai! Israel-mite chuan Tuipui Sena an tih ang bawkin lei hui chungah an kal kai a. Tui zawng zawng khawiahnge an luan zawh tak? I en ang u.

Israel-miten Jordan Luipui an kan hun a lo thlenin, Jehovan mipuite hnena Josua a hrilhtir chu hei hi a ni: ‘Puithiamte chuan thuthlung bawm an zawn ang a, kan hmaah an kal ang. Jordan Luipui tui an kea an dai veleh, tui luang a chawl ang,’ tih hi a ni.

Tichuan puithlamte chuan thuthlung bawm chu an la a, mipui hmaah chuan an zawn a. Jordan an thlenin, puithlamte chuan tui chu an dai a. A luang chakin a thuk em em a. Mahse an kein tui a tawh veleh tui luang chu a chawl tan ta a! Thiltihmak a ni! Lui hnarah Jehovan tui a khuap a. Tichuan Luipuia tui chu a kang ta thuai a.

Thuthlung bawm zawntu puithlamte chu luipui hul lai tak thlengin an kal a. Milemah hlan anmahni i hmu thei em? Chuta an din chhung chuan, Israel-mite zawng zawng lei hul chungah Jordan Luipui an kal kai a.

Mi tin an kai vek hnuah, Jehovan mi chak 12 Josua a hrilhtir a: ‘Thuthlung bawm nena puithlamte dinna hmun luipuiah kal u la. Lung 12 chhar rawh u, tin zanina in vaia in riahnaah tiangkhawm ang che u. Tichuan, nakinah, chung lungte chu in faten eng tihna nge tih an zawh hunah, Jehova thuthlung bawmin Jordan a kan laiin tui luang a chawl tih in hrilh tur a ni. Lungte hlan he thilmak hi an hriat nawntir ang che u,’ tiin.

A tawpah thuthlung bawm zawn puithlamte chu Josuan: ‘Jordan ata chhuak tawh rawh u,’ tiin a hrilh a. An chhuah veleh luipui tui chu a luang zawm leh a.