Dinaiin Buaina A Tâwk

DINAII lenna turte hi i hmu em? Kanaan rama cheng hmeichhe thenkhat a va hmu dawn a ni. A pa Jakoba chuan hei hi a lawm ang em? Chu zawhna chhan theih nan chuan Abrahama leh Isakan Kanaan hmeichhiate an ngaihdan hriat reng tum la.

Abrahaman a fapa lsaka chu Kanaan-a mi nula nupuia nei turin a duh em? Aih, a duh lo. Isaka leh Rebekin an fapa Jakoba chu Kanaan nula nupuia nei turin an duh em? Aih, an duh lo. A chhan i hria em?

Chung Kanaan-ho chuan pathian dik lote an biak vangin a ni. Nupui pasala neih atana tha an ni lo va, thian kawmngeiha neihah pawh an tha lo. Chuvangin a fanuin heng Kanaan nulate a kawmngeih hi Jakoba a lawm lovang tih kan hre thei.

Tih ang ngeiin Dinaiin buaina a tawk. Milema Dinaii entu Kanaan mipa hi i hmu thei em? A hming chu Sekema a ni. Ni khat chu Dinaii a lo len laiin, Sekeman Dinaii a man a, a mutpui lui a. lnnei tawh mipa leh hmeichhia chauh mu dun tur an nih avangin chu chu a dik lo a ni. Dinaii chunga Sekema tih chu thil tha lo chuan buaina tam zawk a thlentir ta a ni.

Dinaii nutaten chu chu an hriatin, an thinur em em a. An zinga pahnih, Simeona leh Levia chu an thinrim khawp a, khandaih an la a, khawpuiah an kal a, an rin loh hlanah mipate chu an va nang a. Anni leh an unaute chuan Sekema leh mipa dang zawng zawng an that vek a. Chu thil tha lo chu a fapaten an tih avangin Jakoba chu a thinur a.

Engtinnge chung buaina zawng zawng chu a intan? Dinaiin Pathian dan awih lo mite a kawmngeih vang a ni. Chutiang thian neih chu kan duh lo vang, kan duh ang em?