Kan Remna Neih

1. Fak r’u, Lalpa Jehova,

Remna Pathian chu;

Indo zawng zawng titâwpin,

Rem a lêntîr ang;

A Fapa Remna Lal chu,

Ngilnei leh zaidam;

Dikna tân a do hneh chuan,

Rem a kim tawh ang.

2. Thinur ṭawngkam kan bân tawh,

Inhnial bânsanin;

Fei leh khandaih chu kan chher,

Remna hmanruaa’n;

Chu remna vawn kan duh chuan,

Kan inngaidam ang;

Inrema nun kan zir ang,

Berâm rual angin.

3. Kan rah tûr a ni remna,

Felna rah angin,

Chung lam finna târ langtu,

Dîla kan neih chu;

Hmun tina rem lêntîrtu

Ram a lo thlen thleng,

Kan kawng zawh kan chawimawi ang,

Remna lantîrin.