Pathian Dawhtheihna Avânga Lâwmna

1. Lal Jehova, engkimtitheia,

I lantîr thudik ngainatna;

Suahsualnain lei ro a rêl,

I hman phah ta rilru nat nân;

Mite sawi angin i muang lo ve,

Suahsualna i tihbo hun a hnai;

Beisei leh ringin kan thlîr che,

Kan lâwm dawhthei leh dik i ni hi.

2. I ngaihah chuan kum sângkhat chhûng chu,

Ni khat ral ta ang mai a ni;

A thleng thuai dâwn i ni ropui,

Tawi muang lovin a thleng ngei ang;

Bawhchhiatna zawng zawng lâwm lo mah la,

Inlam lêt mi sual chu i lâwm ṭhîn;

Beisei thar nên hma lam thlîrin,

Lung lâwmna nên i hming kan chawimawi.