ZAWHNA 6
Messia chungchângah Bible chuan eng nge a sawi lâwk?
HRILH LAWKNA
“Nang Bethlehem Ephratha, . . . nangma lak aṭang hian Israelho rorêltu tûr chu ka tân a lo chhuak ang.”
Mika 5:2
THLEN FAMKIMNA
“Lal Heroda a lal laia, Judai rama Bethlehem khuaa Isua a lo pianin ngai teh, khaw chhak lam ata mi fingte Jerusalem khuaah an lo kal a.”
HRILH LAWKNA
“Ka silhfênte an insem a, ka kawr atân ṭhum an vâwr a.”
Sâm 22:18
THLEN FAMKIMNA
“Chuvângin anni chuan, ‘I pawt thlêr suh ang u, tu ta ber tûr nge ṭhum i vâwr zâwk ang u,’ an inti a. (Pathian Lehkha Thu, ‘Ka silhfênte an insem a, Ka kawr atân ṭhum an vâwr a,’ tih a thlenna tûrin). Chûng thil chu sipaiten an ti a.”
HRILH LAWKNA
“A ruh zawng zawng a vawng ṭha a, pakhat mah tihtliah a ni lo.”
Sâm 34:20
THLEN FAMKIMNA
“Isua kiangah an lo kal a, a thi tawh reng tih an hria a, a kete an titliak ve lo va.”
HRILH LAWKNA
“Kan bawhchhiatnate avângin hliamin a awm.”
Isaia 53:5
THLEN FAMKIMNA
“Sipaite zînga mi pakhatin a nakah feiin a chhun a, tichuan thisen leh tui a chhuak ta nghâl a.”
HRILH LAWKNA
“Ka hlawh atân chêng sawmthum an bûk chhuak ta a.”
Zakaria 11:12, 13
THLEN FAMKIMNA
“Chu mi hnuah chuan sâwm leh pahnihte zînga mi pakhat, Juda Iskariota an tiha chu, puithiam lalte hnênah a kal a. ‘Amah chu ka mantîr ang che u a, engnge min pêk ang?’ a ti a. Tin, tangka sawmthum an bûksak ta a.”