Hriatrengna Atân I Inbuatsaih Em?
C.E. 33 Nisan ni 13 a ni a. Isua chuan tihhluma a awm hmaa a ṭhian ṭha berte nêna an inkawmhona zân hnuhnûng ber a ni tih a hria a ni. Kalhlên Kût hnuhnûng ber a hmanpui dâwn a, tichuan hun serh thar, Lalpa Zanriah chu a hmêlhriattîr dâwn a ni. Chutiang thil pawimawh tak hmang tûr chuan inbuatsaih a ngai ngei ang. Chuvângin, Petera leh Johana chu thilte buatsaih tûrin a tîr a ni. (Lk. 22:7-13) Chu mi hun aṭanga tûn thlengin, Hriatrengna hmang duh Kristiante tân chuan inbuatsaihna neih a ngai a. (Lk. 22:19) April 3-a lo awm tûr Hriatrengna atâna inbuatsaih tûrin eng nge kan tih ang?
Thuchhuahtute Inbuatsaih Dân Tûr:
Hriatrengna inkhâwm sâwmna campaign-a tel kim tûrin ruahmanna siam rawh u.
Bible zirpuite, chhûngkhatte, school kalpuite, hnathawhpuite, leh hmêlhriat dangte chu ziak chhuak la, anni chu sâwm rawh u.
Hriatrengna Bible chhiar tûrte chu chhiarin, ngun takin chhût rawh u.
Mi dangte lâwm thei tûrin Hriatrengna hmanna tûr hmunah kal rawh u.