“Mi a hnathawha taima chu i hmu ṭhîn ngai em? Lal hmâahte a awm ang a, mi narân hmâah chuan a awm lo vang.”

Thufingte 22:29

“Rûk hmang chuan ru tawh suh sela; tlachham hnênah chuan pêk tûr a neih theihna tûrin a kuta thil ṭha thawkin rim zâwk rawh se.”

Ephesi 4:28

“Mi tin ei leh in leh an thawhrimna zawng zawnga hlim taka an awm chu Pathian thilpêk a ni.”

Thuhriltu 3:13

“Nawmsakna thlahlel chu mi rethei a ni ang a, uain leh hriak ngaina mi chu an hausa lo vang.”

Thufingte 21:17

“Pûktu chu a pûktîrtu chhiahhlawh a ni.”

Thufingte 22:7

“Nangni zîngah tupawhin in sâng sak tum ula, atîrin ṭhuin sak zawhna khawp sum in neih leh neih loh hre tûrin, a man tûr chin tunge chhût lo vang che u? Chutilochuan lung phûm tawh zeta, a sak zawh theih loh chuan a en apiangin, ‘He mi hian in a rel ting a, a sa zo thei si lo,’ tiin an nuihsan dah ang e.”

Luka 14:28-30

“An kham hnuin, a zirtîrte hnênah chuan, ‘Engmah bo lo tûrin a bâng nawite chhar rawh u,’ a ti a.”

Johana 6:12

“Hmangaihna awmnaa anhnah chawa rin chu huatna awmnaa bâwngpa châwm thau ei aiin a ṭha zâwk.”

Thufingte 15:17

“Kei hi LALPA in Pathian, in ṭhatna tûra nangmahni zirtîrtu, in kalna tûr kawnga hruaitu che u chu ka ni.”

Isaia 48:17

“Mi suaksualte remruat anga awm ngai lo va, mi sualte kawng pawha ding ngai lo va, hmusittute ṭhutphah pawha ṭhu ngai lo mi chu, a eng a thâwl e. A lâwmna chu LALPA dânah a ni zâwk a; a dân thu chu achhûn azânin a ngaihtuah ṭhîn. Ani chu tuiluang kianga thing phun, a huntêa rah ṭhîn, a hnah pawh uai ngai lo ang hi a ni a; a thiltih apiang chu a hmuingîl zêl ang.”

Sâm 1:1-3

“Nangmah i inhmangaih angin i vêngte pawh i hmangaih tûr a ni.”

Matthaia 22:39

“Miin in chunga an tiha in duh tûr ang zêlin mi chungah pawh ti ve rawh u.”

Luka 6:31

“Pathian thu hriaa zâwmte hi mi hamṭha an ni.”

Luka 11:28

“Sum ngah hi mihring dam chhan a ni lo ve.”

Luka 12:15

“Ei tûr leh silh tûr neiin chûngah chuan kan lungawi ang.”

1 Timothea 6:8

“Englo lâk aiin pêkin lukhâwng a nei zâwk.”

Tirhkohte 20:35

“I rit phurh chu LALPA chungah nghat la, tichuan anin a tichak ang che; mi fel chu engtikah mah tihnghîn a phal lo vang.”

Sâm 55:22

“Nangni zîngah tupawhin in sâng sak tum ula, atîrin ṭhuin sak zawhna khawp sum in neih leh neih loh hre tûrin, a man tûr chin tunge chhût lo vang che u?”

Luka 14:28

“Hlau suh u, kei in hnênah ka awm si a; mangang suh u, kei in Pathian ka ni si a: ka tichak ang che u a; a ni, ka ṭanpui ang che u; a ni, ka felna kut ding lamin ka chelh reng ang che u.”

Isaia 41:10

“Nangni zîngah lungkham avângin tuinnge mahni dung lam tawng khata tisâng chuang thei?”

Matthaia 6:27

“Chutichuan atûk atân lungkham suh u, atûk chuan ama tân a lungkham chawp dâwn si a. Ni khat atân ni khat hrehawm chu a tâwk a ni.”

Matthaia 6:34

“Mi fing lote anga awm lovin mi fingte anga awm zâwkin, in awm dânah fîmkhur rawh u; nîte hi a ṭhat loh avângin remchânnate lei zêl rawh u.”

Ephesi 5:15, 16

“Engah mah mangang suh u; engkimah ṭawngṭai leh dîlin, lâwmthu hril tel zêlin, in duhnate chu Pathian hnênah hriattîrin awm zâwk rawh se. Tichuan Pathian thlamuanna, rilru rêng rênga hriat sên loh khân, in thinlung leh in ngaihtuahnate chu Krista Isuaah chuan a vênsak ang che u.”

Philippi 4:6, 7

PASALTE/PATE

“Chutiang bawkin pasalte pawhin mahni taksate angin mahni nupuite chu an hmangaih tûr a ni. Mahni nupui hmangaihtu chu mahni inhmangaih a ni. Tuman mahni tisa an haw ngai si lo va, an châwmin an duat zâwk ṭhîn a ni. . . . Tupawhin mahni a inhmangaih angin mahni nupui hmangaih ṭheuh sela.”

Ephesi 5:28, 29, 33

“Pate u, in fate tithinur suh ula, Lalpa thununnaah leh zilhnaah chuan enkawl zâwk rawh u.”

Ephesi 6:4

NUPUITE

“Nupui pawhin a pasal hlau [zah] thiam rawh se.”

Ephesi 5:33

“Nupuite u, Lalpaa a âwm tâwk ang zêlin in pasalte hnênah intulût rawh u.”

Kolossa 3:18

NAUPANGTE

“Naupangte u, Lalpaah chuan in nu leh in pate thu zâwm rawh u; chu chu thil dik a ni si a. ‘I nu leh i pa chawimawi rawh,’ (chu chu thupêk tiam nei hmasa ber a ni.) ‘Chutichuan i tân a ṭha ang a, leiah hian i dam rei bawk ang.’”

Ephesi 6:1-3

“Naupangte u, engkimah in nu leh in pate thu zâwm rawh u, chu chu Lalpaah chuan a lâwmawm si a.”

Kolossa 3:20