‘Hetah Ka Awm! Min Tîr Ta Che’

1. Tûn lai mite’n kawng tam takin,

Pathian hming ṭha an timualpho;

Chak lo leh nunrâwngah an puh:

“Pathian rêng a awm lo,” an ti;

Tu’n nge Pathian hming chawimawiin,

Mi zawng zawngte hriatah fak ang?

“Lalpa, ka awm! Min tîr ta che,

Ka fak ang che rinawm takin.

2. Mite’n Pathian muangah an puh,

Pathian ṭihna lah an nei lo;

Ṭhenkhatin lung milem an bia,

Pathianah an dah Kaisara;

Tu’n nge mi sual hmabâk hrilhin,

Pathian indona vaukhân ang?

“Lalpa, ka awm! Min tîr ta che,

Ka vaukhân ang huaisen takin.

3. Thuhnuairawlhte an ṭap mêk e,

Sualna a pun zêl avângin;

Thinlung ṭha tak puin an zawng,

Rilru muanna petu thutak;

Tu’n nge thuhnuairawlh thlamuanin,

Felna an zawnnaah pui ang?

“Lalpa, ka awm! Min tîr ta che,

Ka zirtîr ang dawhthei takin.