Mi Khawngaih Thei An Eng A Thâwl!

1. Mi khawngaih thei an eng a thâwl!

Pathian mit hmuhin an duhawm;

An hriattîr mi dikte hnênah,

Pathianin khawngaihna a lâwm;

Isua hmanga min rawn tlanin,

Min khawngaihzia a rawn lantîr;

Thuhnuairawlhte a khawngaih ṭhîn,

Kan chak lohzia a hriat vângin.

2. Pathian anga mi khawngaihte’n,

An sualte ngaihdamna an hmu;

Vâna Krista inlan hnuah,

Khawngaihna lantîr an hlâwkpui;

Pathian Thu hmun tina hrilin,

“Hlim r’u, Ram a lo thleng,” tiin,

Mi tin hnênah a khawngaih thu,

An puang ang hlim leh lâwm takin.

3. Thuhnuairawlhte’n rorêl hunah,

An dawng Jehova hmangaihna;

Pathian khawngaihna an hria ang,

Khawngaihna an lantîr zârah;

Mi khawngaih thei tak nih tumin,

Ṭan i la ang, unaute u;

Pathian leh Krista min zirtîr,

Khawngaihna i lantîr fo vang.