Pathian Thilmak Tihte

1. Lalpa, ka awm dân engkim i hria,

Ka chawlh hun leh mut hun leh thawh hunte;

Ka ngaihtuahna, thinlai rûka ka veite,

I hre vek e, ka awm dân leh,

ka ṭawngkam chhuak;

I hmaah inthup rêng a awm lo,

I hmu thei e, a rûka siam ka ni;

Ziakin a awm, ka rîruang leh pêngte chu,

Ka chawimawi e, i theihna leh

i kawng mak tak;

A ropui e, a hlauhawm, Aw, i finna,

Ka nunna hian a hre chiang êm a che;

Lungngaihna chhûmpui lo zîng hlau mah ila,

Aw, i thlarauvin min zawng chhuak ngei ang;

Khaw nge ka tlân bo vang, Jehova,

I hma ata khaw nge ka bihrûk ang?

Vân sângah leh lei hnuai dai Seol-ah pawh,

Tuifinriat leh thim hnuaiah pawh

hmun a awm lo.