ṬHEN 8

Isua Thihnain I Tân Eng Awmzia Nge A Neih?

Isua chu kan nun theih nân a thi. Johana 3:16

Isua thih hnu ni thuma thlân va tlawh hmeichhe ṭhenkhat chuan a ruakin an va hmu a. Pathian Jehova’n Isua chu a kaitho leh a ni.

Isua a tirhkohte hnênah a inlâr a, a hnuah vânah a lâwn

A hnuah Isua chu a tirhkohte hnênah a inlâr a.

Pathian Jehova chuan Isua chu thi thei lo thlarau mi, thiltithei tak niin a kaitho leh a. Zirtîrte chuan vâna a lâwn chhoh lai chu an hmu a ni.

Pathianin Isua chu a kaitho va, Pathian Rama Lal atân a siam. Daniela 7:13, 14

Lalrama a lalṭhutthlêng aṭangin, Isua chuan lei paradis-a mihringte chungah ro a rêl

Isua chuan mihringte tlan nân a nun a pe a. (Matthaia 20:28) Chu tlanna hmang chuan Pathianin chatuana nunna nei thei tûrin min siam a ni.

Jehova chuan Isua chu lei chunga rorêl tûrin Lal atân a ruat a. A rual chuan vân nunna chang tûra lei aṭanga kaihthawh mi rinawm 1,44,000-te’n ro an rêl ang. Isua leh chûng mi 1,44,000-te chuan vân sawrkâr fel tak—Pathian Ram—chu an din a ni.—Thu Puan 14:1-3.

Pathian Ram chuan lei hi paradis-ah a rawn chantîr ang a. Indona te, dân bawhchhiatna te, retheihna te, leh ṭâmte a awm tawh lo vang. Mite chuan hlimna dik tak a nei tawh ang.—Sâm 145:16.