HLA 54
Hei Hi Kawng A Ni
(Isaia 30:20, 21)
1. Remna kawng dik a awm,
Hriain kan lo zawh ta;
Hei hi kan zir a ni,
Hmân lai kawng dik leh hlun,
Isua aw kan hriatna,
A zirtîrna kawng chu;
Remna kawng dik a ni,
Kan hmu Pathian Thu-ah.
(THUNAWN)
Hei hi a ni, nunna kawng dik a ni,
Sîr lam hawiin pêng suh mit khap kâr pawh!
Pathianin min au: ‘He kawng dikah,
Leh hawi lovin, ngîl takin kal ang che.’
2. Hmangaihna kawng a awm,
Hmun dang zawn a ngai lo;
Pathian aw chuan min pui,
Amah zawng chhuak tûrin;
A hmangaihna a ṭha,
A dikin, a duhawm;
Hmangaihna kawng a ni,
Min chêttîrtu ber chu.
(THUNAWN)
Hei hi a ni, nunna kawng dik a ni,
Sîr lam hawiin pêng suh mit khap kâr pawh!
Pathianin min au: ‘He kawng dikah,
Leh hawi lovin, ngîl takin kal ang che.’
3. Nunna kawng dik a awm,
Leh hawi a ngai tawh lo;
Kan Pathianin min tiam:
Nun kawng ṭha ber a ni,
Remna kawng sâng ber leh,
Hmangaihna kawng dik ber;
Nunna kawng dik a ni,
Kan Pathian chawimawi r’u.
(THUNAWN)
Hei hi a ni, nunna kawng dik a ni,
Sîr lam hawiin pêng suh mit khap kâr pawh!
Pathianin min au: ‘He kawng dikah,
Leh hawi lovin, ngîl takin kal ang che.’
(Sâm 32:8; 139:24; Thuf. 6:23 en bawk rawh.)