ZIRLAI 1

Thuhmahruai Hlawhtling Tak

Tirhkohte 17:22

KHAIKHAWMNA: I thuhmahruai chuan tuina a chawk tho tûr a ni a, i thusawi tûr thu chu târ langin, ngaithlatute’n an ngaihven chhan tûr pawh a târ lang tûr a ni.

A TIH DAN TUR:

Tuina chawk tho rawh. Ngaithlatute ngaihven tûr zawhna te, mi thusawi te, thiltawn tak tak te, a nih loh leh chanchin tharte chu thlang rawh.

Ngaithlatute tui zâwng leh an thil lungkhamte chu ngun takin ngaihtuah hmasa la, thuhmahruai chu chumi mil chuan siamrem ang che.
I thusawi tûr thu târ lang rawh. Ngaithlatute chuan i thuhmahruai sawi aṭangin i sawi tûr thu leh a thiltum chu an hre thiam tih chian ang che.
I thusawi tûr thu a pawimawh chhan târ lang rawh. I thusawite chu ngaithlatute mamawh tak nêna inmil tûrin siamrem rawh. I thusawi lai thuin mi mal taka a ṭanpui theih dân chu an hre chiang tûr a ni.

Thusawi tûr i inbuatsaih laiin, heti hian inzâwt rawh, ‘Kohhrana unaute hian eng dinhmunte nge an hmachhawn?’ tiin. Tichuan, an mamawhte nêna inmilin i thuhmahruai chu siamrem ang che.