ZIRLAI 5

Dik Taka Chhiar

1 Timothea 4:13

KHAIKHAWMNA: A ziak ang chiahin, a ri chhuakin chhiar rawh.

Ṭha takin inbuatsaih rawh. A thu ziah a nih chhan chu ngaihtuah la, a thu mal pakhat tê têa chhiar lovin, a hlâwma chhiar dân zir rawh. Thu mal belh te, chhiar kân te, leh a danga thlâkte chu pumpelh rawh. Thuziak kârthlâk nâna hman chhinchhiahna, punctuation mark-te chu chîk ang che.

I ṭhian tuemaw chu i chhiar lai ngaithla tûr leh i chhiar dik lohna laite chhinchhiah tûrin tîr ang che.
Thu malte chu fiah takin lam rawh. Thu mal hriat bel loh leh lam harsa i neih chuan, thu leh hla chhuah aw thunsate ngaithla la, a nih loh leh lehkha chhiar thiam takte hnênah ṭanpuina dîl ang che.
Fiah takin sawi rawh. A ri chhuakin fiah taka chhiar tum la, dâk deuhvin, i kâ âng zau rawh. Fiah taka lam rîk tum ang che.

I lehkha chhiar chu pângngai lo taka lang khawpin, lam fiah kîlkêl lutuk suh.