Jehova Pêk Lâwmman Famkim

1. Jehova, Pathian rinawm chuan a hre chiang,

Thinlung zawng zawnga rawngbâwlte;

An inpêkna leh ṭhahnem an ngaih vângin,

Chân an nei thei khawvêl thilah;

In leh lo, chhûngkua, ṭhiante i kalsan chuan,

Pathian chuan thil engkim a hria;

Khawvêl puma unaute hmangin a rûl,

Paradis-a nun chatuan nên.

2. He lei hringnuna kan tawh harsatnate,

Tawrh thiam har tih châng kan nei thei;

Kan nî tin nuna thawh tûrte avângin,

Chau leh lungngaiin kan awm thei;

Thlamuanna zawng zawng Pathian chuan min hriatpui,

Ani chu ṭawngṭai Ngaithlatu;

A Thu, a thlarau, leh ṭhian rinawmte chuan,

Muanna, vênhimna min pe ang.