Engtin Nge Isua Thihna Chuan Min Chhandam Theih?

Mihring nupa tuak hmasa ber Adama leh Evi te’n Pathian thu an awih loh avângin, mi sual kan lo ni a, hrehawm tuarin, kan thi a ni.a Mahse kan dinhmun chu beisei bo a ni lo. Jehova chuan a Fapa, Isua Krista hmangin sual leh thihna ânchhe lak ata chhan chhuahna kawng min hawnsak a ni. Bible chuan Isua’n a thihna hmangin tlanna a pe tih min zirtîr a. Tlanna chu mi tuemaw chhuahna tûra man pêk hi a ni a. Isua min pêksak chu a mihring nun ṭha famkim hlutna hi a ni. (Matthaia 20:28 chhiar rawh.) Isua’n he leia chatuana nung tûra a neih dikna chu inhuam taka a pêkna chuan Adama leh Evi’n an chân tâk zawng zawng neih lêt leh theihna kawng min hawnsak a. Isua chuan Jehova nêna an mi hmangaihna a nasatzia a târ lang bawk. He zirlai hian Isua thihna i ngaihhlutna tizual tûrin a ṭanpui ang che.

1. Engtin nge Isua thihna chu tûn laiah kan hlâwkpui theih?

Sual fate kan nih avângin Jehova lawm loh zâwng thil tam tak kan ti a. Mahse, kan thil sual tihte avânga inchhîrna dik tak kan neih a, Jehova hnêna Isua Krista hminga ngaihdam kan dîl a, chu thil sual chu theihtâwp chhuaha tihnawn loh kan tum tlat chuan, Pathian nêna inṭhian ṭhatna kan nei thei a ni. (1 Johana 2:1) Bible chuan heti hian a sawi: “Pathian hnêna min hruai theih nân Krista chuan sualte avângin vawi khat a tuar bawk si a, mi fel chuan mi fel lo aiin a tuar a,” tiin.—1 Petera 3:18.

2. Engtin nge Isua thihna chu nakin hunah kan hlâwkpui theih?

Jehova chuan Isua chu a mihring nun ṭha famkim hlân tûrin a rawn tîr a. Chu chu “tupawh [Isua] ring apiang an boral loh va, chatuana nunna an neih zâwk nân” a ni. (Johana 3:16) Isua thiltih azârah Jehova chuan Adama thu âwih lohna sawhkhâwk zawng zawng chu a sût lêt thuai ang. A awmzia chu, Isua inthawina kan ring a nih chuan, he leia chatuana nun theihna hun remchâng kan nei ang tihna a nih chu!—Isaia 65:21-23.

ZIR BELHIN HMUH BELH RAWH

3. Isua thihna chuan sual leh thihna ata min chhuah zalên

VIDEO: Engvângin Nge Isua A Thih?—Ṭhen 1 (2:01)

• Adama’n Pathian thu a âwih loh khân eng hun remchâng nge a hloh?

Rom 5:12 chhiarin, he zawhna hi sawiho vang che u:

• Engtin nge Adama sual chuan i nun a nghawng?

Johana 3:16 chhiarin, he zawhna hi sawiho vang che u:

• Engvângin nge Jehova’n a Fapa he leia a rawn tirh?

1. Adama chu Pathian thu âwih lo, mihringte sual leh thihna kawnga hruaitu mi ṭha famkim a ni

2. Isua chu Pathian thu âwih a, mihringte ṭhat famkimna leh chatuan nunna kawnga hruaitu mi ṭha famkim a ni

4. Isua thihna chu mi zawng zawngin an hlâwkpui thei

VIDEO: Engvângin Nge Isua A Thih?—Ṭhen 2 (2:00)

• Engtin nge mi pakhat thihna chu mi zawng zawngin an hlâwkpui theih?

Timothea thawn khat 2:5, 6 chhiarin, he zawhna hi sawiho vang che u:

• Adama chu mihringte sual leh thihna kawnga hruaitu mi ṭha famkim a ni a. Isua pawh Adama ang bawka mi ṭha famkim a ni. Eng kawngin nge Isua inthawina chuan sual leh thihna ata min chhan chhuah?

5. Tlanna chu i tâna Jehova thilthlâwnpêk a ni

Jehova ṭhiante chuan tlanna chu an tân liau liauva thilthlâwnpêk angin an thlîr a. Entîr nân, Galatia 2:20 chhiarin, he zawhna hi sawiho vang che u:

• Engtin nge tirhkoh Paula chuan tlanna chu a tân liau liauva thilthlâwnpêk angin a thlîr tih a târ lan?

Adama’n thil sual a tih khân, amah leh a thlahte zawng zawng chu thi tûra thiam loh chantîr an ni a. Mahse, Jehova’n chatuana nun theihna hun remchâng i neih theih nân a Fapa chu i aia thi tûrin a rawn tîr a ni.

Hêng Bible chângte i chhiar hian, a Fapain hrehawm a tawrh laia Jehova tawrh dân tûr chu ngaihruat ang che. Johana 19:1-7, 16-18 chhiarin, he zawhna hi sawiho vang che u:

• I tâna Jehova leh Isua thiltih chu engtin nge i ngaih?

KHAIKHAWMNA

Isua thihna chuan Jehova hnênah kan sualte ngaihdam theihna a pe a, chatuana hlim theihna hun remchâng min pe bawk.

Ennawnna

• Engvângin nge Isua a thih?

• Eng kawngin nge Isua inthawina chuan sual leh thihna ata min chhan chhuah?

• Engtin nge Isua thihna i hlâwkpui theih?

HRIAT BELH NAN

Isua mihring nun ṭha famkim chu tlanna tia koh a nih chhan chhiar rawh.

“Engtin Nge Isua Inthawina Chu ‘Mi Tam Tak Tâna Tlanna’ A Nih?” (Website thuziak)

Chhandam kan nih nâna kan tih ngaite chu chhiar rawh.

“Isua’n Min Chhandam—Engtin Nge?” (Website thuziak)

Jehova’n sual pawi takte pawh a ngaidam thei em?

“Bible Ṭanchhan Zawhnate Chhânna” (Vênnainsâng, May 1, 2013)

Krista inthawina chungchâng zirnain mi pakhat chu a miziate thlâk danglam tûra a ṭanpui dân chu en rawh.

“Tharum Thawh Chîng Mi Ka Ni Tawh Lo” (Website thuziak)