Bible Ṭanchhan Zawhnate Chhânna

Diabola hi khawi aṭangin nge a lo awm?

Pathianin Diabola hi a siam lo. Ani chuan thil sual tih a thlan avânga Setana ti pawha hriat Diabola rawn ni ta vântirhkoh chu a siam a ni. Bible chuan tûn hmain Diabola hi mi dik tak leh ṭha famkim a ni ṭhîn tih a târ lang. Chuvângin, atîrah chuan, Diabola chu Pathian fa vântirhkoh fel tak a ni.—Ezekiela 28:14, 15 chhiar rawh.

Engtin nge vântirhkoh chu Diabola a lo nih theih?

Diabola lo ni ta vântirhkoh chuan Pathian dodâl chu thlangin, mihring tuak hmasa ber chu a lama ṭang tûrin a fuih pawrh a. Hetiang hian amah leh amah chu Setana ni tûrin a insiam ta a, chu chu “Dodâltu” tihna a ni.—Genesis 3:1-5: Thu Puan 12:9 chhiar rawh.

Diabola lo ni ta vântirhkoh chuan Pathian thil siam finna nei vântirhkoh leh mihring zawng zawngte ang bawkin, thil dik ti tûr emaw, ti lo tur emawin zalên taka duh thlan theihna a nei a, mahse ani chuan chibai bûkna dawn duhna chu a rawn nei chho va. Pathian tihlâwm a duhna aiin mahni inchawimawi a duhna chu a lo nasa ta zâwk a ni.—Matthaia 4:8, 9; Jakoba 1:13, 14 chhiar rawh.

Engtin nge Diabola chuan mihringte a la thunun zêl? Ani chu i hlau tûr a ni em? Hêng zawhnate chhânna hi Bible-ah i hmu thei a ni. (w13-E 02/01)