Ènga’ Apah Oḍi’ è Firdâus?

Allah Yèhuwa aberri’ bârokah sè bânnya’ ka Adam bân Hawa. Kadhâdḍiyân 1:28

Allah Yèhuwa agâbây orèng binè’ partama, Hawa, bân èpadhâdḍiyâ binèna Adam.​—Kadhâdḍiyân 2:21, 22.

Allah Yèhuwa nyèpta’aghi Adam bân Hawa kalabân pèkkèran bân bhâdhân samporna.

Adam bân Hawa kennenganna è Taman Èdèn​—taman rowa cè’ bhâgussâ polana bâḍâ bân-kèbân, songay, bân wâ’-buwâ’ân.

Allah Yèhuwa adhâbu bân ngajhâri Adam bân Hawa. Mon ngèḍingaghi Allah, rèng kaḍuwâ’ jarèya bisa oḍi’ sè langgeng è Firdaus sè bâḍâ è bhumè.

Allah Yèhuwa alarang Adam bân Hawa ngakan buwâ ḍâri sèttong bungka. Kadhâdḍiyân 2:16, 17

Gustè Allah adhâbu, neng taman jiâh bâḍâ sèttong bungka sè buwâna ta’ ollè èkakan, mon ngakan buwâna Bâkal matè.

Bâḍâ sèttong malaèkat sè alabân Gustè Allah. Malaèkat sè jahat rowa yâ arèya Iblis.

Iblis ta’ sennâng Adam bân Hawa naadhi Allah Yèhuwa. Dhâdḍi, Iblis aghunaaghi olar ghâbây nèpo Hawa. Ca’ân mon ngakan buwâna ta’ kèra matè, tapè bâkal dhâdḍiyâ ènga’ Allah. Tantona jiâh co-ngoco​—Kadhâdḍiyân 3:1-5.