Sapah sè ngobâsanè dunnya rèya?

APAH SÈ KÈTAB SOCCÈ KOCA’AGHI

”Saantero dunnya panèka bâḍâ èbâbâna kakobâsa’ânna sè Jahat.”​—1 Yahya 5:19, Alketab è Dhalem Basa Madura.

”Nabi Isa maancor . . . Iblis sè ngobâsaè patè.”—Ibrani 2:14.

MANFAADḌA GHÂBÂY BÂ’ÂN

Bisa tao sabâbbhâ bânnya’ masalah è dunnya rèya.—Wahyu 12:12.

Parcajâ jhâ’ dunnya rèya bâkal dhâdḍiyâ lebbhi beccè.—1 Yahya 2:17.

APAH SÈ KOCA’AGHI KÈTAB SOCCÈ BISA È PARCAJÂ

Yâ. Sakonè’ân bâḍâ tello’ alasân:

• Kobâsanna Iblis bâkal taḍâ’â polè. Gustè Allah la neptepaghi jhâ’ . . . bâkal ”maancora lalakonna Iblis bân Gustè Allah jhânjhi mabeccè’a kabbhi karosakan sè èkaghâbây Iblis”.​—1 Yahya 3:8.

• Gustè Allah la neptepaghi Isa Almasih ghâbây marèntah è dunnya. Iblis rowa bengis bân ta’ parḍuli ka manossa, bhidhâ kalabân pamarèntahanna Nabi Isa ”bellâs ka orèng meskèn sareng ra’yat biasa . .  mabèbas rèng-orèng . . . gapanèka ḍâri panindasân sareng kakerrasân.”—Jabur 72:13, 14.

• Gustè Allah ta’ kèra lècèk. Kètab Soccè ngoca’ jhâ’ ”Gustè Allah ta’ kèra lècèk.” (Ibrani 6:18) Mon Gustè Allah jhânjhi pastè bâkal tawujud! (Yesaya 55:10, 11) ”Satèya sè nègghu’ è dunnya bâkal èpagulu’â.”—Yahya 12:31.