Qqʼonx tbʼanel tiʼchaq kye txqantl aj t-xi qqʼoʼn onbʼil kye (Mat. 12:35a)

Qkyaqilx qajbʼil tuʼn t-xi qqʼoʼn tbʼanel tiʼchaq kye txqantl aj t-xi qqʼoʼn onbʼil kye, iktzun tten in japun aju kawbʼil tuʼn t-xi qqʼoʼn «kyposad okslal» (Rom. 12:13). O txi qʼamaʼn kye ansyan tuʼn tbʼaj kyximen tuʼn t-xi chjet tpasaj erman in pon qʼol chikʼbʼabʼil ex tuʼn t-xi qʼet twa. Noqtzun tuʼnj, at junjun pakbʼal jaku kubʼ kyxkʼayin kyibʼ tuʼn kyonin kyiʼj txqantl tuʼnju mintiʼxix kypwaq moqa tuʼnju in tzaj kyxobʼil tuʼn kypon erman kyja. Qa ma t-xi qbʼiʼn aju kawbʼil xi tqʼoʼn Jesús te Marta a jlu kʼonil qiʼj tuʼn tchʼixpet aju qximbʼetz lu (Luc. 10:39-42). Tqʼama Jesús qa aju qamiwbʼel ex aju onbʼil in tzaj qʼoʼn qe kyuʼn qerman atzun «mas bʼaʼn» ex nya aju tuʼn t-xi qqʼoʼn jun tbʼanel wabʼj kye nix aju tuʼn tten jun tbʼanel qja. Qa ma txi qbʼiʼn kawbʼil lu, qkyaqilx jaku txi qqʼoʼn tbʼanel tiʼchaq kye qerman ik tzeʼn in tzaj tqʼamaʼn Tyol Dios (3 Juan 5-8).