Xnaqʼtzanxa kye tuʼn kukx kyajbʼen te Jehová

O tzʼok kyqʼoʼn erman kywitz tiʼj, qa ma txi qxnaqʼtzaʼn jun akʼaj pakbʼal tuʼn tok tilil tuʼn tuʼn tpakbʼan ex tuʼn tten tgan tiʼj, aj tbʼet ambʼil kʼokel te jun tbʼanel pakbʼal (Pr 22:6; Flp 3:16). Qo xnaqʼtzan tiʼj junjun nabʼil tiʼj alkye tten jaku tzʼonina tiʼj jun xjal in xi tqʼoʼna xnaqʼtzbʼil te tuʼn t-xi tzyet tuʼn tpakbʼan toj tumel:

• Noq aj ttzaj qʼoʼn toklen xjal te pakbʼal, bʼaʼn tuʼn t-xi tzyet tuʼn t-xi tyekʼina te (km 8/15 t-xaq 1). Yekʼinxa te qa nim toklen tuʼn tpakbʼan tkyaqil seman (Flp 1:10). Yolina bʼaʼn tiʼj tembʼil te pakbʼabʼil (Flp 4:8). Qʼamanxa te tuʼn tpakbʼan tukʼil ansyan in che ex tiʼn jun kʼloj erman pakbʼal ex kyukʼil junjuntl pakbʼal tuʼntzun tbʼant tpakbʼan (Pr 1:5; km-S 10/12 t-xaq 6 taqikʼ 3).

  

• Maske otoq jaw aʼ twiʼ xjal, kukx qʼonxa onbʼil te ex xnaqʼtzanxa. Ex mas qa naʼmx tkubʼ bʼaj tuʼn kyxnaqʼtzane tiʼj uʼj «Tkʼujlalil Dios» (km 12/13 t-xaq 7).

  

• Aj tpakbʼana tukʼil jun akʼaj pakbʼal, bʼaʼn tuʼn tajbʼen jun yekʼbʼil tuʼna nya kwest. Aj tkubʼ bʼaj tuʼn tyolin, qʼamanxa tbʼanel yol te. Qʼonxa junjun nabʼil te tuʼntzun tbʼant-xix tpakbʼan (km-S 5/10 t-xaq 7).