Qqʼonk tilil tuʼn tbʼant-xix qpakbʼan Pakbʼana kye xjal moẍ

TIQUʼN NIM TOKLEN: Chʼixme kykyaqil moẍ jaku kubʼ kynaʼn nya bʼaʼn aj kyyolin tukʼil jun xjal nya ojtzqiʼn kyuʼn. Tuʼntzunju, il tiʼj tuʼn tten qnabʼil aj qyolin kyukʼil. Kʼujlan qe xjal moẍ tuʼn Jehová ex in ximen kyiʼj (Le 19:14). Qkanoʼmil tiʼj Jehová ex qo ximen tuʼn qonin kyiʼj xjal moẍ tuʼn tel kynikʼ tiʼj.

TZEʼN JAKU BʼANT QUʼN:

• Jyona kyiʼj (Mt 10:11). ¿Ojtzqiʼn jun xjal tuʼna aju at jun toj tja moẍ? ¿Atpe jun tja xnaqʼtzbʼil, jun ja moqa juntl lugar kye xjal moẍ jatumel in pakbʼana ex kyajbʼil uʼj bʼinchaʼn maj kye?

• Ximana kyiʼj. Ok kbʼel tnaʼn xjal bʼaʼn qa ma ximana tiʼj ex qa ma kubʼ tyekʼina tbʼanel tmoda tukʼil. Yolina tiʼj jun xnaqʼtzbʼil at toklen tukʼilju in bʼaj jatumel najli xjal.

• Tzʼonina kyiʼj tuʼn tok kyojtzqiʼn Jehová. Tuʼn t-xi qʼet onbʼil kye xjal mintiʼxix in che keʼyin, o che etz nim onbʼil tuʼn ttnam Jehová. Qaninxa te xjal alkye onbʼil taj tuʼn tajbʼen tuʼn. Il tiʼj tuʼn tok tkeʼyin ansyan qʼil twitz aqʼuntl toj pakbʼabʼil qa in xi tqanin erman sipel uʼj aju onbʼil ma tzaj tqanin xjal moẍ.