Qqʼonx te Jehová aju mas tbʼanel

5:5-7, 11

Qa at jun xjal prow toj ojtxe tnam Israel, nya tuʼn jlu mlay kubʼ najsaʼn til tuʼn Jehová. ¿Tiquʼn? Tuʼnju jakutoq txi tqʼoʼn jun oyaj tuʼn ttzalaj Jehová tuʼn, pero iltoq tiʼj tuʼn t-xi tqʼoʼn aju mas tbʼanel. Jakutoq txi tqʼoʼn arin, pero tajtoq Jehová tuʼn t-xi tqʼoʼn «aju tbʼanil», aju in najbʼen aj in che pon xjal visitaril (Gé 18:6). Ax ikx toj ambʼil jaʼlo, maske mlay bʼant tuʼn t-xi qqʼoʼn nim te Jehová ik tzeʼn qaj, in nok tqʼoʼn Jehová toklen qa ma txi qqʼoʼn aju mas tbʼanel te (Heb 13:15).

¿Tiquʼn in tzaj tqʼuqbʼaʼn jlu qkʼuʼj qa mintiʼ in bʼant tuʼn t-xi qqʼoʼn nim te Jehová tuʼnju yabʼ qoʼ moqa ya mintiʼ qipumal?