Bʼaʼn tuʼn t-ximana tiʼj alqukʼil kbʼel mojeʼya

Kubʼ tyekʼin Salomón qa mintiʼ ten tnabʼil tej tkubʼ mojeʼ kyukʼil xuʼj in che ajbʼen kye nya ax tok dios (1Re 11:1, 2; w18.07 t-xaq 18 taqikʼ 7).

Chebʼe el tzpet tanmi Salomón kyuʼn t-xuʼjil tuʼntzun tkʼulin kywitz junjuntl dios (1Re 11:3-6; w19.01 t-xaq 15 taqikʼ 6).

Tzaj tqʼoj Jehová tiʼj Salomón (1Re 11:9, 10; w18.07 t-xaq 19 taqikʼ 9).

In tzaj tqʼamaʼn Tyol Dios qa oʼkx tuʼn qkubʼ mojeʼ «tukʼil jun okslal tiʼj Qajaw» (1Co 7:39). Noqtzun tuʼnj, nya a t-xilen jlu qa kʼokel jun ermano moqa jun ermana o bautisarin te tbʼanel chmilbʼaj moqa xuʼjilbʼaj. Xjelinkuya jlu: «¿Kʼonilpe ermano moqa ermana wiʼje tuʼn wajbʼene te Jehová tuʼn tkyaqil wanmiye? ¿Mape tzikʼ ambʼil in kubʼ tyekʼin qa kʼujlaʼn Jehová tuʼn?». Naʼmxtoq tkubʼ kyximane tuʼn kykubʼ mojeʼye, bʼaʼn tuʼn tel kypaʼne ambʼil tuʼn tok kyojtzqin kyibʼe.