In tzaj qʼuqbʼaʼn qkʼuʼj kyoj chmabʼil

1. In qo anqʼin kyxol xjal mintiʼ qʼuqbʼil kykʼuʼj

ex najchaq ateʼ tiʼj Jehová.

Tuʼn tok qxqʼuqin qibʼ, qaj tuʼn qtzaj t-xnaqʼtzaʼn Dios

tuʼn ttzaj tyekʼin qe alkye bʼaʼn.

In che onin chmabʼil tuʼn tchʼiy qʼuqbʼil qkʼuʼj

ex in tzaj kyqʼoʼn chewsabʼil qkʼuʼj.

Ax ikx tuʼn tten tbʼanel qbʼinchbʼen junjun qʼij

ex tuʼntzun kukx kyikʼx nya bʼaʼn quʼn.

Mintiʼ tuʼn t-xi qqʼoʼn ambʼil te nya bʼaʼn at,

ex kukx kbʼel qbʼinchaʼn tajbʼil Dios.

In che onin chmabʼil tuʼn kukx qbʼet toj bʼaʼn

ex tuʼn tok qkʼujlaʼn axix tok.

2. In tzaj tqʼoʼn Jehová aju at tajbʼen qe

ex qbʼinx qe consej in tzaj tqʼoʼn.

Qa ma tzʼel qpaʼn ambʼil tuʼn kukx tok qchmon qibʼ,

kbʼel qyekʼin qkʼujlabʼil tiʼj Tyol.

In che xqʼuqin tmajen Jehová tzʼaqli qiʼj

ex in bʼant kyuʼn tuʼn qʼaqʼbʼil kykʼuʼj.

Ax ikx bʼiʼn quʼn qa atoʼ kyxol nim erman,

aqeju kʼujlaʼnxix qoʼ kyuʼn.

Kukx kʼokel qchmon qibʼ akux in nul laqʼeʼ

jun tbʼanelxix akʼaj twitz txʼotxʼ.

Tuʼn telxix qnikʼ tiʼj alkye tten tuʼn qanqʼin,

kxel qbʼiʼn nabʼil in tzaj tqʼoʼn Dios.