BʼITZ 150
Bʼaʼn tuʼn tjyona tiʼj Dios tuʼn tkleta
(Sofonías 2:3)
1. In nok kymojbʼan kyibʼ xjal
tuʼn kyqʼojin tiʼj Tkʼwaʼl Jehová.
Noqx gan in che ok meltzʼaj tiʼj,
quʼn che kbʼel naj te jumajx.
Ma kubʼ bʼaj ambʼil kye;
ya in kawin Tkawbʼil Dios.
Chʼix tpon qʼij tuʼn kykubʼ tnajsaʼn Jesús
ex a kkambʼal tiʼjju qʼoj.
(QKYAQIL)
Tuʼn tkleta tiʼjju xitbʼil tzul,
bʼaʼn tuʼn kukx tjyona tiʼj Qman Dios.
Kukx bʼinchama bʼaʼn,
bʼeta tzʼaqli twitz,
bʼaʼn tuʼn tonina tiʼj toklen
ex kkletela tuʼn Jehová
tukʼil tipumal.
2. Jaʼlo in qo pakbʼan
tiʼj Tkawbʼil Dios kye kykyaqil
tuʼn qonin kyiʼj tuʼn kyjyon tiʼj Qman,
qa kyajbʼil tuʼn kykyaj anqʼin.
Aj qok weʼ twitz nya bʼaʼn,
mintiʼ tuʼn qxobʼ kywitz aj qʼoj.
Kukx qo bʼet tzʼaqlixix twitz Jehová
ex tzul tbʼiʼn aju qnaʼj Dios.
(QKYAQIL)
Tuʼn tkleta tiʼjju xitbʼil tzul,
bʼaʼn tuʼn kukx tjyona tiʼj Qman Dios.
Kukx bʼinchama bʼaʼn,
bʼeta tzʼaqli twitz,
bʼaʼn tuʼn tonina tiʼj toklen
ex kkletela tuʼn Jehová
tukʼil tipumal.
(Ax ikx jyonkuxa 1 Sam. 2:9; Sal. 2:2, 3, 9; Prov. 2:8; Mat. 6:33).