BʼITZ 17
«Ok, waje»
Aju jaku tzʼetz imprimirit
1. Ten nimxix tkʼujlabʼil Jesús
ex kubʼ tyekʼin nim qʼaqʼbʼil tkʼuʼj.
Tuʼn tyol onin kyiʼj xjal
ex tukʼil tbʼinchbʼen.
Kukx xi tqʼuqbʼaʼn kykʼuʼj qe xjal mans.
E kubʼ tqʼanin yabʼil tok kyiʼj,
bʼant kywitz moẍ tuʼn ex qe chkin kywiʼ.
Tuʼn tkyaqil tkʼuʼj Jesús japun toklen
ex xitzun tqʼamaʼn: «Ok, waje».
2. Qyekʼinx qʼaqʼbʼil qkʼuʼj junjun qʼij
ik tzeʼn techel o kyaj tqʼoʼn qwitz.
Kxel qxnaqʼtzaʼn Tyol Jehová,
tuʼn qonin kyiʼj xjal
kyaj tuʼn kynimen ex tuʼn kybʼin te.
Tuʼn qkʼujlabʼil kyiʼj qe qamiw
kxel qqʼoʼn onbʼil kye aj ttzaj kybʼis.
Ex aj ttzaj tqanin jun erman onbʼil,
ax ikx kxel qqʼamaʼn: «Ok, waje».
(Ax ikx jyonkuxa Juan 18:37; Efes. 3:19; Filip. 2:7).