Jósʼin nga nda kuiyoaa ya yaniʼyaná

Je xi nda sikatíoná ya yaniʼyaná kuinga tsjoacha koaan xíngiaa (Efesios 5:33)

Je Niná kʼoasʼin tjínndajinle nga tojngo xʼin kʼoa nga tojngo chjoón xi koa̱n kuixankao xínkjín.

Je xʼin xi tsjoake chjoónle tjao be kʼoa kuenta sʼín.

Je chjoón tjínnele koasenkao je xʼinle.

Je xti tjínnele sitjosonle xijchále.

Ndʼé katamai kʼoa li chʼanachajinlai chjoónli kʼoa tsa xʼinli (Colosenses 3:5, 8-10)

Je Énle Niná kʼoatso nga tjínnele tsjoake koa̱n chjoónle je xʼin josʼin nga tsjoake yaole kʼoa kʼoati tso nga je chjoón tjínnele nga nʼio skoe̱xkón je xʼinle.

Kʼiatsa kjaʼaí chjota kjoáyokao xi jekabixan chʼaotjín. Kʼoa kʼoati chʼaotjín kʼiatsa jao kʼoa tsa nkjín sʼin yánchjínle chjota.

Je Énle Niná bakóyaná josʼiaan nga nda kuiyoaa ya yaniʼya.