Jókji chjíle xi kao ñá nga kʼoasʼin jaʼáyale Jesús

Ñá xi chjotale Cristo maa yaa mangósoán je chjota xi tokanacha kʼoa je kjoatjao xi kʼoainá kui kjoabijnachon xi tsínkʼia fetʼa. Tonga saténgiñá ngatsʼiaa xi totʼatsʼe jée xi kichʼá. Kjoaʼmiya jebi aon koya tjínni xi kuitsoyaná jmeni xi síkaténginá kʼoa kʼoakuitsoná jmeni xi koa̱n sʼiaan nga tsínkui sikinjená ánni nga kuichotjenngisíñá kjoatjao xi tsʼe kjoabijnachon.

Je libro xi tsʼe Jeremías kui nʼio tínchja̱ni tʼatsʼe ni̱ma̱. Kjoaʼmiya jebi kui koakoyaná ánni nga “tsínle circuncisión ni̱ma̱le” tsosíni Biblia, kʼoa ánni nga si̱kuindasíñá ni̱ma̱ná tsanda ñá xi chjotale Cristo maa. Kʼoa kʼoati koakoyaná jmeni xi koa̱n sʼiaan nga kui katasʼená jngo ni̱ma̱ xi tíjnanda nga skoe̱ Jeobá (Jer. 9:26; 24:7).

Jméni xi sʼiaan nga jchaa je Niná kʼoa nga kʼoati katabená tsanda je. Jósʼin nga tosi tonda sitaja kjoamakjainle jngo chjotale Cristo ninga jemiyole Niná ma, kʼoa ánni. I kjoaʼmiya jebi kuitsoyaná.

Ninga tjío xi kontra tjíoná alikui koa̱n kuinókjoaan. Je kjoaʼmiya jebi kui kuitsoyaná jósʼin kʼianga ñaki jo niʼya sʼin tíjnaná je Jeobá.

Jmé xi kitjenkao nga ya tiyojiaan je naxinandá xi jaʼaínle Jeobá yʼa. Jósʼin tsoyanile nga jaʼaínle kuitsomakoaa. Jósʼin síkjaʼaitsjen Niná tʼatsʼe chjota xi tsín bexkón jaʼaínle. Kui chótʼayá i̱ kjoaʼmiya jebi.