A tíjna jngo relijión xi koa̱n si̱nʼiotʼaa

Kjoaʼmiya jebi kui nchja̱ kʼani jmeni xi tso je kapítulo 24 kao 25 xi tsʼe Mateo. Nkjín koya jmeni xi faʼaitʼa xi sʼa koanchjotseya josʼin koanjinná tsakai kʼiani kuitjoson jmeni xi tongini kitso Jesús, xi tʼatsʼe nichxin xi to tífikjetʼa kʼoa josʼin tínchja̱ni je choa̱ xi tʼatsʼe trigo kao jñá xi tsín nda. Kʼoati bakóyaná josʼin basenkaoná nga jngo jngoá jmeni xi sʼa kjimajin chjotsená.

Kʼianga kisikjen Jesús je chjotankjín kʼoa kao nga kitsjoale kjoankjíntokon xi tsʼe Niná je chjotale, tikui choa̱ kitjenngini nga tojngo jao chjota kisichjén. Je kjoaʼmiya xi títjon kui tsoyaná nga tojngo jao mani je chjota xi kitsjoale kjoankjíntokon xi tsʼe Niná je chjotale Cristo xi koai ya ngʼajmi xi tsakatio nga siglo I (nó 1 saʼnda 100). Je kjoaʼmiya xi majaoni kui kuitsoyaná jebi: ʼyáni je xi tojngo jao mani xi tísíchjén je Cristo xi tjíotsjoáná kjoankjíntokon xi tsʼe Niná nichxin xi tiyoaa ndʼaibi.