Énndiso xi bʼéchjoaná nga nichriantʼalee Niná

Kʼianga jekʼoasʼin machrianle nga kuichokjetʼa jmeni xi chonle sonʼnde je Na̱i, machjénní nga nʼio tje̱nyatokon kuiyoaa. Kjoaʼmiya jebi kui koakoyaná jokji chjíle nga kuenta sʼiaan josʼin bʼetsʼoaa kʼoa nga kjitʼa kʼoétsʼoaa. Kʼoa kui xi koasenkaoná nga tje̱nyatokon kuiyoaa.

Kjoaʼmiya jebi kui chótʼayá josʼin koasenkaoná je kjoatsejta xi kisʼele je profeta Miqueas. Kʼoati kui chótʼayá jmeni xi tongini koa̱n nga kjesa síkjejin je Jeobá jmeni xi chon sonʼnde. Kʼoati koakoyaná josʼin kʼoailee kjoanda je Niná kʼianga kʼoasʼin nʼio tsejta.

Kʼianga kʼoasʼin kichokʼetʼale Senaquerib je naxinandá Jerusalén kʼianga nichxinle Ezequías kʼoati tse jmeni xi bakóyaná tsanda ñá ndʼaibi. Kjoaʼmiya jebi jé koakoyale je xi xá tjínle ya jinjtín kʼianga tjíosíkuinda je choʼndale Niná.

Je kjoaʼmiya xi mañoni kui bakóyaná josʼin síkuinda Jeobá kao Jesús je choʼndale nichxin xi tiyoaa ndʼaibi, kʼoa jmeni xi sʼin je choʼndale nga kʼoasʼin kjimakuinda. Kʼoa kjoaʼmiya xi tofetʼani kui bakóyaná jotjínnele sʼin je xi chjotajchínga sʼin tjío kʼianga sitjoson je xá xi kjinele nga tjíosíkuinda je choʼndale Niná.