Je kjoafetʼa: A jetíjnachrian

Je Biblia jngo xa xi nʼio baole xi ñaki tíbaté síngósonkao je Na̱i. Je Na̱i tsʼe nganʼio tjínle, nʼio tsen kʼoa bʼanachaa. Nga jao kjoaʼmiya jebi kui kuitsoyaná ánni nga machjénsíni nga kuixkantʼakoaa kontra jebi. Kʼoati kuitsoyaná jósʼiaan nga tsín ya jtsaoyaa che̱nle.

Je kjoanda xi kitsjoaná Jeobá kuinga maná chaniyaa jkoaa jmeni xi kjesa ʼyajián. Koaan tsa ndasʼin kʼoa tsa chʼaosʼin si̱chjén kjoafaʼaitsjenná. Nga jao kjoaʼmiya jebi kui chótʼayajiaan tʼatsʼe choʼndale Niná xi tsakatio nichxin kjoatse xi kʼoasʼin kisichjén kjoafaʼaitsjenle nga kisitaja kjoamakjainle. Kʼoati kuitsoyaná jósʼin koa̱n si̱chjén je kjoafaʼaitsjenná nga chjénngilee jokjoan je Jeobá.