Isʼin faʼaitʼa

Je kjoaʼmiya jebi kui kuitsoyaná jósʼin si̱chjén je tsojmi xi tjínná nga ya ngʼajmi kjoásjee je miyo (Luc. 16:9). Kʼoati tsoya jósʼiaan nga tsínkui nʼio kuijnyísjee je tsojmi xi tjín sonʼnde kʼoa nga tosa je Jeobá si̱xálee jokji tjen kʼoakoa̱nná.

Jméni xi koasenkaoná kʼiatsa xíngiaa nichaa. Kʼianga sínʼio tokoán je Jeobá, jé síchjén Jesucristo, je Biblia kʼoa kao je jtín. Je kjoaʼmiya jebi, sinʼio tokoán kʼoa kuitsoyaná jósʼin si̱nʼioá kon je xi kjoañʼai tjíofaʼatojin.

Je Salmo 147 kjitʼaa kʼoatso nga katabʼasjengʼa Jeobá je naxinandále. Jméni xokisikao je xi kiski salmo nga nʼio koanmenile tsakʼasjengʼa Niná. Ánni nga tjínnenile kʼoati sʼiaan tsanda ñá. Kui chótʼayajiaan i̱ kjoaʼmiya jebi.

Nʼio nkjín ndsʼee xi sʼa xti xi kao kjoatsjoa nga ñaki to xále Niná sʼín. A kʼoati meli nga ñaki to xále Niná sʼiain. Je kjoaʼmiya jebi, tsjoá kjoafaʼaitsjen xi ya Biblia yʼangini xi koasenkaoli nga ndasʼin kʼoéndajin jmeni xi sʼiain nichxin xi sʼa nroa.