Isʼin faʼaitʼa

Je kjoajnda yaa tíjnajin josʼin bʼetsʼoalee Niná. Tonga tsakui nichxin tjínkʼa xi ñʼai male nga se kʼianga bʼasjengʼa Jeobá ya jinle xi ngikʼa. Jósʼiaan nga tsín soa katamaná nga kuijndá. I̱ kjoaʼmiya jebi kui kuitsoyaná ánni nga nʼio tjínnile kjoandosin nga kao kjoatsjoa kuijndá kʼoa tsjoáná kjoafaʼaitsjen xi koasenkaoná nga ngisa nda si̱ndayaa je jta̱ná.

Nʼio tse jmeni xi bakóyaná je naxinandá xi tsen kisatio ya Israel jña koan kitoka je chjota xi tokjoataon xi koanle nga kʼien kisikʼien. Je kjoaʼmiya xi títjon, kui koakoyaná jósʼin je xi nʼio ai jée bajngi nga koa̱n je Jeobá sinʼiotʼa yaole. Je kjoaʼmiya xi majaoni, kui jchaa jósʼin basenkaoná je choa̱le Jeobá nga maná nichatʼaa, nga ʼyaxkoán je kjoabijnachon kʼoa nga kui kʼoanʼia je xi kixi tjín.

Nga jao kjoaʼmiya jebi kui koakoyaná jmeni xi kitsole Pablo je chjotale Cristo xi tsakatio ya Colosas. Xi títjon, kui bakóyaná jósʼiaan kʼiatsa kui kuinóʼyá je kjoafaʼaitsjen xi tjín sonʼnde kʼoa tsa koa̱nndosinná jmeni xi tso. Xi majaoni, kui jchaa jméni xi koa̱n sʼiaan nga tsín jme xi katabʼéchjoaná nga sʼe̱ná kjoanda xi tsjoáná Jeobá.