Isʼin faʼaitʼa

Jméni xi sʼiaan kʼianga nʼio nikjáojiaan xi totʼatsʼe kjoa xi sʼená. Kjoaʼmiya jebi kui tsoya jmeni xi tso je testo xi tsʼe nó 2018, kʼoa tsoya ánni nga machjénniná nga je Jeobá koasenkaoná kʼoa jósʼin koasenkaoná.

Je nó jebi, kʼiaa nga xoto nga 31 sá marzo nó 2018 kjoaʼaítsjenya je Kjoabiyale Cristo. Jósʼin tongini kuiyondaa nga kjoaʼaítsjenya je Kjoabiyale Cristo. Kʼoa jósʼin basenkao je naxinandále Niná nga jtín sʼin batio jngo tjíjtsa Sonʼnde. Kui kuitsoyaná je kjoaʼmiya jebi.

Ngayeje jmeni xi tjínná tʼatsʼe Jeobá nroani. Tonga kui xi mele nga kʼoasʼin si̱chjén jmeni xi tjínná nga kʼoainganʼiolee je naxinandále nichxin xi tiyoaa ndʼaibi. Je kjoaʼmiya jebi kui kuitsoyaná ánni kʼoa jósʼin basenkaoná nga bʼailee je Jeobá je tsojmichjí xi tjínná.

Je kjoaʼmiya xi títjon kui tsoyaná nga kui xi ñaki tsjoa báya tokoán kʼianga tsjoachaa je Niná, kʼoa alikui mangóson kao je kjoatsjoacha xi tjín nichxin fetʼa xi tiyoaa ndʼaibi (2 Tim. 3:1). Je xi majaoni kjoaʼmiya, kui tsoya ánni nga tsín mangósonni je choʼndale Niná kao xi kjaʼaí chjota.